Правила за членки
МК-домејн
Целосен импресум (име и презиме на главен/одговорен уредник и состав на редакцијата. Адреса и контакт детали
Медиумот редовно да објавува информативни содржини од јавен интерес
Да биде наведе датумот и часот на објавување на содржините
Информација за деловно активно трговско друштво или деловно активно здружение на граѓани што не учествува на пазарот на комерцијално и политичко рекламирање и огласување
Транспарентно да се декларира сопственоста и начинот на финансирање, согласно законите, а по барање на СЕММ и на Промедиа, да прикажат податоци неопходни за ажурирање на членството
Најмалку двајца вработени во редакцијата, согласно Законот за работни односи
Редовни авторски содржини, со почитување на авторските права во согласност со законот и основните правила за преземање содржини од други медиуми
Објавени ценовници за рекламирање
Видливо означени платени комерцијални содржини
Онлајн медиумите од регистарот Промедиа го почитуваат Кодексот на новинарите на Македонија, Повелбата за етичко известување за избори и Статутот на СЕММ
На својата страница поставуваат банер со што се обврзуваат дека го почитуваат Кодексот на новинарите и принципите на медиумска саморегулација
Ги објавуваат одлуките на СЕММ и се вклучуваат во процесот на медијација
Се прифаќа правилото според кое медиумот се исклучува од членство во Промедиа по 3 одлуки на Комисијата за жалби, во рок од 3 месеци, во коишто е утврдено прекршување на Кодексот на новинари, при што Управниот одбор на СЕММ го зема предвид однесувањето на медиумот во текот на процесот, учеството во медијација и исправка на стореното прекршување
Се прифаќа редовно ажурирање на регистарот Промедиа, на секои 3 месеци, од СЕММ и ЗНМ, во координација со Комисијата на Промедиа.
Основни правила на преземање содржини меѓу членките на Промедиа :
Професионалните онлаjн-медиуми членки на Промедиа и СЕММ ги почитуваат авторството и авторските права согласно со законот, како еден од клучните етички и професионални стандарди на новинарската професија.
Под поимот содржини во контекст на овие Основни правила се подразбираат текстови со различни жанровски особености, фотографии, видеа и други мултимедијални содржини, со кои медиумите известуваат за настани и појави од најразлични области, како и мислења во различни жанровски облици.
При преземањето содржина од друг онлајн-медиум, задолжително е во насловницата (во наднасловот, поднасловот, или во насловот, а по исклучок кога нема поднаслов, во лидот, односно во првата реченица на веста) да се наведе од кој медиум е преземена содржината.
Покрај правилото од точка 3, при преземање содржина од друг онлајн-медиум, потребно е на соодветно место да се објави хиперлинк до изворната содржина.
На начинот опишан во точките 3 и 4, дозволено е преземање најмногу до 20 отсто од оригиналната содржина.
Секој медиум за одделни содржини, за кои смета дека имаат карактер на ексклузивност, може да постави дополнителни услови за преземање (ембарго за преземање и слично), при што дополнителните услови ги објавува за секоја содржина, со јасен и видлив текст или со друг вид јасна и разбирлива ознака.